He thu hi Chief Minister Office Conference Hall-a vawiina thuthar thehdarhtute a kawmnaah sawiin Japan Ambassador chuan Mizoram chu Japan ram ang bawka tlangram a nih avangin khuarel chhiatna an tawh \hinte pawh a inang tlang hle niin a sawi a, Lengpui \umhmun leh Aizawl inkarah pawh hetiang leimin hi a hmu nual tih sawiin Mizoram tana \angkai theihna an neihah theihtawp chhuah an tum dawn tih a sawi.
Pu Kenji Hiramatsu chuan, Japan sorkarin sorkar laipui leh State sorkar hrang hrangte thawhpui tur a zawn thu sawiin, chung zingah chuan a bik takin hmarchhak State-ten hma an sawn theih nan thawhpui turin Japan sorkar chu a inhawng niin a sawi a, buh leh thlai tam zawk tharchhuah nan leh tlo zawka ram leilung hman theih nan Mizoram sorkar chu thawhpui a inhuam tih a sawi bawk.
Japan Ambassador chuan thiamna an neih te inhrilhtawn nan intlawhpawh tawnna tur pawh ruahman niin a sawi a, Japanese International Cooperation Agency (JAICA) hnuaia Mizorama hmalakna kal mekah National Highway No.54, Aizawl leh Tuipang inkar kawng siam leh thawm \hat chu an ngaihpawimawh zingah a tel tih a sawi bawk.
Zawhna chhangin Japan palai chuan, eco tourism lamah Mizoram sorkarin thawhdun a duh phawt chuan a \ul anga hmalak an inhuam thu a sawi bawk.
