He thu hi vawiina All Mizoram Rural Development Employees Association General Body Meeting Agriculture Conference Hall-a neihah sawiin Pu Lalruatkima chuan, sorkar hnathawkte chu hnathawk \hatah inel tura a duhthu a sawi a, an hna chu felfai taka hlenchhuak \hin turin a fuih a ni.
Pu Lalruatkima chuan, Rural Development Department hnuaia hna te chu a chak zawkna tur a nih chuan a kalphung her danglam theih a ni tih a sawi a, sorkar laipui a\anga hnathawhna tura pawisa hmuhte chu a \angkai thei ang bera hman zir turin hnathawktute a fuih a ni. Minister chuan DRDA thawktute chu thingtlang mi harsa zawkte enkawltu an ni tih inhre renga sorkar flagship programme, SEDP kalpuina turah pawh Rural Development Department chu sorkar kutke pawimawh tak a nih dawn avangin theihtawp chhuah turin hnathawktute a chah a ni.
Inkhawm hi an pawl Vice President, Pu David Zodingliana’n a kaihruai a, ro an rel bakah chawhnu lamah an pawl hruaitu thar tur an thlang a ni.
