Mizorama khawpui fai ber thlanna atan Biate khua inbuatsaih

0
864
views

UD&PA Deptt-in Mizorama khawpui 23 zinga a fai ber a thlanna atan Biate khua chu an inbuatsaih zel a, vawiin khan khawtlang huapin faina beihpui thlak leh a ni a, mi 500 chuang thawk chhuakte chu hmun hrang hranga insem darhin, khaw chhung leh kawngpui thian faiin an chei a ni. Biate Town Faina Committee hian faina hnatlang tum engemawzat a koh tawh bakah School hrang hranga naupangte chu faina kawnga an mawhphurhna an hrilh thin a ni.

Hetiang bawk hian Lengpui khaw Sanitation Committee pawhin vawiin khan khawtlang huapin faina beihpui a thlak a, mi 400 vel an thawk chhuak a ni. Lengpuiah hian Sanitation Committee chuan bawlhhlawh paih nan mipui thawh khawm sum hmangin 407 tipper a lei a, chumi hmang chuan kum 2014 atang khan bawlhhlawh an paih thin a ni.