Mizorama ni tin mamawh man sang nasa lutuk chu mipui nawlpui tan harsatna thlentu a nih avangin hmala thuai turin sorkar an phut tih Prism Party in an sawi.

0
38
views

Covid 19 hri lêng vanga inkharkhip kalpui a nih vangin hnathawh a harsa a, hei hian sum harsatna a thlen a, inhlawhfa chawp leh ni tina ei chawp dap tan phei chuan harsatna a thlen nasa hle tih Prism hian an sawi a. Mizoram-in thil siam chhuah a neih tlem avangin nitin mamawh a tlem a, nasa takin thil man a pung thung a ni an ti a. Thil thenkhat phei chu a hmaa a man let aia tamin a sang chho tawh niin an sawi a, mipui nawlpui tan harsatna a thlen nasa hle a ni, an ti.

Prism hian, fak tlak khawpa sorkar-in Covid 19 dova hma a lak laiin thil man pung zel lam a ngaihsak tawk lo nia a lan thu an sawi a, mipui harsatna hriaa thil man pung zel veng turin sorkar chu mawhphurhna la tura an duh thu an sawi.