Mizoram-in a la hmuh ngai loh pangang, fall armyworm puang hian loneitute rilru nasa takin a tibuai tih minister hian a sawi a, agriculture department in tihrem tumin theihtawpin hma a la tih a sawi.
All India Coordinated Research Project-a Principal Investigator, Principal Scientist nibawk Dr. J.C.Sekhar chuan, Telengana leh Andhra Pradesh-ah te nikum khan fall armyworm hi hmuh a nih thu leh Vaimin chingtute nasa taka a tihbuai thu a sawi a, he pangang hian thlai dang 80 vel ti chhe thei mahse, vaimim bula chin fu leh buh te erawh a khawih lo tih a sawi a, Mizoramah pawh hlauhtlawn lutuk tur a awm lo nia sawiin hmalakna mumal tak nen thunun theih a nih thu a sawi.
