MZP Gen. hqrs Executive Committee vawiina Aizawla \hukhawm hian kum 2008-a din Mizoram Youth Commission chu Mizo \halai tam takin hna hmuh nan leh eizawnna hmuh nan an hmang tawh a ni an ti a, tunhnaia hnathawk thei lova a awm chu pawi an tih thu sawiin, Mizo \halaite hmakhaw ngaia hnathawk thei tura Chairman pawh ruatfel vat turin sorkar an ngen tih an sawi.
MZP Executive Meeting hian Mizoram leh Assam ramri chungchangah Mizoram chin chan zel anih loh nan pi leh pu te luah chin ram humhalh a, neih let leh ngei tura hmalak chhunzawm zel ni se an ti a. Central sorkar inrawlh hnua ramri chungchanga hmalak zelnaah Central Sorkar chuan Mizoram team chu Sorkar hotute nen Mizoram china an pawm sawi fela hrilh leh tura a tih an nih laiin, hei hi sorkar kutah a tawp ta rih a ni, an ti a, MZP chu a dinna ngaiah a la ding reng tih sawiin, Zofate Chawlhbuk pawh sak a nih theihna tura hmalak chhunzawm an tum thu an sawi. MZP Executive Meeting hi an President Pu L. Ramdinliana Renthlei in a kaihruai a ni.
