Mizoram Teachers’ Federation hruaitute hi vawiin khan Aizawlah an thukhawm a, Covid 19 do kawngah an member engemaw zat an luang chhuak mek leh Village leh Local Level task Force mai ni lo, ramri-a rammu zinga an tang chu lawmawm an tih thu an sawi a. Hri leng hi engchen nge do a ngaih dawn hriat a nih loh avangin ramri depa mi tam tak, hna pawh thawk hman lova hun rei tak duty te chu chhawk an ngai tawh nia an hriat avangin an member te zingah a tulna hmun apianga duty thei tur leh tlawmngai theite Association General Secretary te hnena in hriattir turin an chah a ni. CM Relief Fund-a sum pek chungchang leh ramri-a duty te tanpuina pek dan tur pawh an sawiho bawk.
