Mizoramah Central Pay Commission 7-na rawtna hman a nih ve dawn leh dawn loh zirchianna peih fel tawh, Cabinet thutkhawm hmasa berah ngaihtuah hman beisei

0
288
views

Central Pay Commission 7-na rawtna chu Mizoramah hman a nih ve dawn leh dawn loh, Finance Deptt. in a zir chianna chu peih fel a ni tawh a, Cabinet \hutkhawm hmasa berah ngaihtuah hman beisei a ni. Finance Department hotute hnen a\anga ZONET thu dawn danin, Department chuan hemi chungchanga thil pawimawhte chu a zir chiang thawkhat tawh a, hlawhbi thar hmang tawh state hrang hrangte thil tih dan leh, a nghawng turte pawh an zir chiang vek a ni. Finance Department hotute chuan, Pay 7-na hi Mizoramah hman ni dawn ta se, thla khata sorkar-in a sen belh tur zat pawh a tlangpuia chhut chhuah a ni tawh niin an sawi a, a behbawm thil pawimawh dangte pawh zir chian a ni tawh niin an sawi. Finance Department hotute chuan an zir chianna hi Cabinet-in a ngaihtuah hnu-ah, hman ve tur a nih leh nih loh pawh sorkar thu thu a ni tih an sawi.