Lunglei Sub-Hqrs YMA bul tumin Aizawl-Thenzawl-Lunglei World Bank Road-a kawng chhe zual lai, Tlawng lei leh Pukpui inkar chu nimin khan hnatlanga siam a ni a, Lunglei khawpui huam chhunga YMA Branch 21 a\angin mi 1,200 tél an thawk chhuak a ni. Sub-Hqrs YMA hruaitute hnen a\anga thu dawn danin, an hna thawh ber chu PWD hotute kaihhruaia kawng khuar leh chhe zual lai hnawh a ni a, a hnawhna tur lung hi PWD-in hmun hrang hrangah a dah a ni. Hnatlangte chaw chhun hmeh atan Horticulture Minister, Pu PC Lalthanliana, bialtu MLA ni bawk chuan vawk 2 a thawh a, Lunglei District High Power Committeee Vice Chairman, Pu S. Laldingliana’n Rs 20,000/-, Lunglei Truck Owners Association-in Rs 10,000/- leh PHE Watsan Division-in Rs 5,000/- an thawh a, mimalte pawhin engemawzat an thawh bawk a ni. Zawhna chhangin Sub-Hqrs YMA President, Pu R Lalnunthara chuan hnatlangte hian hna an thawk \ha hle niin a sawi a, tunah chuan he kawnga kal harsa zual lai chu awlsam zawkin a kal tlang theih tawh dawn niin a sawi. Hnatlang an koh nachhan hi YMA thil tum, ‘|anpui ngaite \anpui ‘ tih rilru a\anga lo chhuak niin a sawi a, kawng enkawltu Department tihmualpho tumna leh sorkar dem zawnga inpuhmawhna atana hman tur a ni lo niin a sawi bawk.
