Mizoramah World Water Day

0
486
views

Ramchhung hmun dang rualin Mizoramah vawiin khan PHE Dept bultumin World Water Day hman a ni. Aizawlah chuan Lal Thanhawla Auditorium-ah hman a ni a, a hmanpuitu Planning Board Vice-Chairman Pu H.Liansailova chuan, khawvel \hang zelah tui mamawhna a san zel avangin a humhalh kawngah \hanharh a \ul a, sorkar chauhin a ti thei lo a, mitin mawhphurhna a ni a ti a, tuihna humhalh kawnga PHE leh CYMA thawhhona in rah \ha a chhuah a beisei thu a sawi. He hun hmanpuitu dang Miss Mizoram T. Ramthanmawii chuan

tui chu engkim tan nunna, mihringte vawng thianghlima, tifaitu a ni a, tui in tam hi hriselna a nih mai bakah hmelthatna thuruk a ni a ti. Miss Mizoram chuan tui humhalh kawngah mitinin \an an lak \ul a tih thu sawiin, thing leh mau chereu zel chu a ngaihmawh thu a sawi a, thing a awm loh chuan tui hna a awm thei lo a, thing kan tih chereu nasat chuan tui hna a kiam zel a, thing leh mau humhalh kawngah theihtawp chhuaha \an lak thar a ngai a ni a ti. Heng bakah hian bawhlawh a paihna hmuna ni lova paihin tui a tih bawlhhlawh \hin dan pawh Miss Mizoram T Ramthanmawii hian sawi langin, tui humahalh kawnga theihtawp chhuah thar \heuh turin mipuite a sawm a ni.

Kum 1992 United Nations Conference on Environment and Development-in a lo rel tawh angin kum 1993 a\ang khan kumtin World Water day hi March ni 22 ah hman \hin a ni. Aizawla World Water Day hmanna ah hian PHE in Slogan inphuahsiak a buatsaiha lawmman dawngtute hnenah thuziak leh tangkafai hlan a ni a, PHE Secretary Pu KT Beichho, Central YMA President Pu Vanlalruata leh Dr.Lalnuntlunga ten thu an sawi bawk.