MLPC Act, 2014 zirchiang tura din, State Prohibition Council hnuaia Study Group-in tun thla ni 5-a Report a thehluh chu zirchian tura dah mek a ni

0
415
views

Excise Minister, Pu R. Lalzirliana’n MLPC Act, 2014 zirchiang tura din, State Prohibition Council hnuaia Study Group-in tun thla ni 5-a Report a thehluh chu zirchian tura dah mek a ni tih House a hrilh a. MNF member, Pu Vanlalzawma leh Pu Lalruatkima zawhna in\awm chhanga he thu hi sawiin, Excise Minister chuan, MLPC Act, 2014 zirchiang tura Review and Evaluation Committee din chu State Prohibition Council tia thlak a nih thu leh an thil zir turah huntiam pek a nih loh thu a sawi. Pu R. Lalzirliana chuan, MLPC Act, 2014 chu a hlawhtlingin Sorkar chuan a hria tih sawiin, zu in miten zu thianghlim leh \ha man tlawm zawkin an hmuh phah a, State dang leh ram dang a\anga zu chhe tah tak a ruka lakluh \hinte a tawp phah bakah, MLPC Act-ah hian Control tih a tel avangin khawlaia zurui hmuh tur an tlem a, rui chunga lirthei khalh leh chetsualna a tlem phah a, zu khap a nih lai aiin zawrh a nih hnuah krismas leh kumthar laiin khawtlang a muanawm a, tun hma a\anga chhiah la lut ngai lo zu chhiah \hahnem tak Sorkar sum bawma chhunluh a nih phah tih sawiin, MLPC Act zirchiang lehzual tur hian Study group din a ni a, an zirchianna a\angin tihtawp a nih tur leh tur lovah thutlukna siam a nih tur thu pawh Excise Minister chuan a sawi.