He sum hi MJA President, Pu Zonunsanga Khiangte-in Addl. Chief Secretary, Pu JC Ramthanga kutah a hlan a. Chanchinbu mite nen an inkawmaah Pu JC Ramthanga hian, hri leng kara Mizoram chanchinbumite hmalakna chu ropui a tih thu a sawi a. Mizoram COVID 19 kai mi pakhat awm tawh mah se, Mizoramah ni 18 chhung inkharkhip a nih hnua vawiin thlenga he hri kai hmuhchhuah belh an la awm lo chu vanneih thlak a tih thu a sawi a, ngaihdan tlangawnah chuan Mizoram chu him tura ngaih a ni, a ti a, hetihrual hian State \henawm maiah hri kai hmuhchhuah thar an awm belh zel avangin ramri venhim \hat te, Lirthei lo lut uluk taka enfiah te sorkarin a ngai pawimawh tih a sawi
