MPC Party-in Covid 19 hri leng mek do nana Chief Ministers’ Relief Fund a sum tling khawm a\angin Task Force te hnathawhna tur leh thil pawimawha hman atan sum \hahnem zawk theh chhuak turin Mizoram sorkar an phut.

Thuchhuah an siamah MPC hian, COVID 19 vanga inkharkhip a nih chhungin nitin eichawp zawnga khawsaten ei tur an neih theih nan Task Force-ten theihtawp an chhuah zarah vawiin thlengin Zoram pumah chhuanchham an la awm lo a ni an ti a. He hripui do let nana tualchhung leh ramri depa Task Force leh Police duty te tan ei leh in \ha leh hnianghnar zawk pe tur te, hmanrua leh mamawh hrang hrang an neihte an khawsakna hmunah kal a, enfiah a, thuam \ha lehzual turin sorkar an duh tih an sawi.