MKHC-in ruihhlo laka Mizoram fihlim theihnan tawngtai rual an ngen

0
631
views

Mizoram Kohhran Hruaitute Committee chuan ruihhlo laka Mizoram a lo fihlim theih nan leh ruihhlo bawia tang mekte an chhuah theih nan nakzan, Pathianni zanah hian Kohhran tin, tawngtai rual turin a ngen. Hemi chungchanga a thuchhuahah MKHC chuan Mizorama ruihhlo hluar zelin thalai tam tak a suat tawh bakah, ruihhlo bawiha tang mek thalai eng emaw zat an la awm chu pawi a tih thu sawiin, ruihhlo ngaite tana tawngtai bakah ruihhlo do kawnga an Kohhran huang chhung theuha theihtawp chhuah turin Kohhran tin a ngen a ni.

Mizoram Kohhran Hruaitute Committee ngenna ang hian Mizoram Synod chuan Mizorama ruihhlo a lo hluar zel avanga tawngtai rual hun hi hmang ngei turin an Kohhrante a ngen a, nakzan inkhawma tawngtai rual thupuiah hian – Ruihhlo laka Mizoram a fihlim theih nan tih leh, Ruihhlo bawiha tâng mekte tan tih a thlang a, nakzan inkhawmah hian he lam hawi Pathian thuchah sawi theih a nih chuan a lawmawm hle ang tih pawh Synod Secretary, Rev. Lianhmingthanga Sailo-in a lehkhaah a sawi tel a ni.