MLA rualten Covid-19 dona kawnga hma an lak dan tur an rel danah thu inchuh a awm chunzawm zel a, Assembly Speaker, Pu Lalrinliana Sailo-in Congress Legislature Party Leader, Pu Zodintluanga’n thu dik tawk lo a sawi a ni a ti.

0
43
views

Ningania MLA te thutkhawmnaah hian hlawh leh MLA Fund chu CM Relief Fund-a chhung turin lungrual taka thutlukna siam a nih thu Speaker hian a sawi a, hripui do nana MLA Fund thawh chu Dan pawhin a phalsak tih a sawi.

Congress Legislature Party Leader, Pu Zodintluanga chuan nimin khan Bairabi ramri-a Duty-te a tlawhnaa thuthar lakhawmtu thenkhat zawhna chhangin, Speaker hova an inhmuhkhawm hmasak zawk khan MLA hlawh leh Fund thawh chungchang, inhmuhkhawm leh huna sawi tur anga sawi awm chu thu dik tawk lo a ni a ti a, Thawhtanni-a thutkhawmnaah khan Agenda mumal taka hlawh leh MLA Fund pek chungchang rel a awm lo tihu a sawi a. Hetihrual hian Mizoram sorkar chu sum a harsaa MLA hlawh leh Fund thawh tura ngen an nih chuan Congress Legislature Party chu an inhuam reng tih a sawi a ni.