Khawthlangtuipui group YMA hruaitute, an president Pu Zokunga Sailo-hoa thawkchhuakte chu Nunsury BOP an thlen veleh helaia duty-te hian lo tidingin hun rei tak an chelh khawtlai a, Khawthlangtuipui Group YMA hruaitute hian ramri-a riakte tlawh tura thawkchhuak an nih thu leh, harsatna siam tuma kal an nih loh thu, an sawi hnu pawha rem an tih theih loh avangin, Group YMA hruaitute hi lungawi loin an let ve nghal a ni.
Vawiin thil thleng avang hian, Khawthlangtuipui Group YMA leh, an hnuaia YMA branch hrang hrang hruaitute chu vawiin khan hmanhmawh takin an ?hukhawm nghal a, vawiin thil thleng chu pawi an tih thu leh, he thil a thlen hma pawha ramri-a riak ?henkhatte dang chep tial tial zawnga BSF te an khawsa chu pawi an tih thu, group leh branch YMA hruaitu thukhawmte hian an sawi a ni.
