MNF Election Campaign Directorate in Assembly inthlan lo awm tura an party Candidate te pualin inhlantharna vawiin khan Hnam Rûnah an buatsaih a, candidate te intiam tharna neih tir nghal an ni.

0
388
views

 

An pawl President Pu Zoramthanga chuan, Assembly inthlana thuneihna an chan chuan Mizorama ruihhlo rawn lut \hin te chu a tih tawp dan kawng an dap dawn niin a sawi a, hemi atan hian Mizoram chhungah mipuite zirtirna nasa zawka kalpuiin Sorkar laipui leh UN a\angin \anpuina tam tak hmuh theih a awm niin a sawi. Pu Zoramthanga chuan, zu zawrh chu an ti tawp ngei dawn tih sawi nawnin, rakzu zuarte pawh tih tawpsakin eizawnna dang \ha zawk siam sak an ni dawn niin a sawi a, Zu leh ruihhlo avanga harsatna tawkte enkawlna Se\hawna ami chu tilianin changtlung zawka kalpui a ni ang a, Kohhran leh NGO leh Doctor te nen \anghoin tihdamna leh enkawlna \ha tak din a ni ang a ti.

Pu Zoramthanga chuan, retheite khaichhuahna turin sorkar tuka thawh nghal tur an ruahman sa vek tawh niin a sawi a, mipuite tihhmasawn bakah Pathian leh a Kohhran tana theihtawp chhuaha hmalak an tum na chu sorkar an chakna chhan leh an thil tum lian ber niin a sawi.

MNF Election Campaign Directorate Chairman Pu R Tlanghmingthanga pawhin thusawiin MNF chu Pathian leh Mizoram tana din niin a sawi a, rorelna leh thil engkimah Pathian leh ram chu dah hmasa in an Sorkar velah SEDP leh Manifesto te chu sorkar kaihhruai nan an hmang dawn niin a sawi a, Sorkar rintlak, Mizo mipuite tan mawhphurhna la ngam leh mawhphur zo nih an tum dawn tih a sawi.

Hunserh hmangtu Synod Moderator hlui Rev. Lalzuithanga chuan, Mizoram politics boruak a \ha tawh lo hle tih sawiin, inthlan-a suma in lei tlin leh invauna thawm hriat tur a awm \hinte chu pawi a tih thu a sawi a, Party tinte chu Lal Isua zuar tura a duh thu a sawi.

Inkhawm hi Election Campaign Directorate Pu K.Vanlalauva’n a kaihruai a ni.