MNF-in Martarte Ni hmang

0
466
views

MNF Party-in vawiin khan Martarte Ni an hmang a, he ni hmanna lian ber, Luangmuala Martarte thlanmualah MNF Sr. Vice President, Pu Tawnluia chuan Mizoram zalenna atana nunna hlantute chu mi \henkhatin sawi n>p tum \hin mah se, an hlu telh telh zawk niin a sawi a, ram tana martar-te inhlanna chu a ngainep zawng leh a deusawh zawnga sawi chi a ni lo tih sawiin, ram leh hnam tan a taka thawktu leh inpe te an ni, a ti bawk. Pu Tawnluia chuan, MNF-in tharum tel lova zalenna sual a tumna chu India sorkarin hrethiam lovin a ni lo zawngin a bei let niin a sawi a, MNF hruaitute \ingmit vek an tum avangin loh theih loh a tharum hman ngaiin MNF chu an siam ta nia sawiin, MNF-in zalenna a sual laia nunna chan te hriat reng nan kum tin, September ni 20 chu Martarte ni atan hman a ni ta niin a sawi bawk. Inkhawm \an hma hian MNF Party hruaituten Martarte thlanah pangpar an dah a, ngawi rengin minit 1 chhung an ding bawk a ni. He ni hmanna inkhawm hi an party National Core Committee member, Pu Lalchamliana’n a kaihruai a ni.