Seling leh Champhai inkar kawng, National Highway 6-ah vawiin chawhma khan Khawzawl bulah kawng chhiat avangin motor lian pathum a tlu a, pakhat chu kawng thlangah a tla a, hei hian kawng a hnawh pin avangin a tawn tawnah motor tangkhang tam tak a awm a ni. Kawng enkawltu, PWD hotute hnen a\anga thu dawn danin, kawng dangtu motor tang la chhuak tur hian vawiin khan JE pahnih leh hnathawktu dangte tirh an ni. Zawhna chhangin PWD hotute chuan motor tlukna hmun hi Khawzawl a\anga km khat vela hla, Champhai lamah a ni a, he kawng hi National Highway Contractor, Nidi Infra. Pvt. Ltd. siam lai a ni a, helai hmun hi tun hma khan \um hnih an lo siam \ha tawh a, amaherawhchu, kawng bula leilet neituten tuihawk luan chhuahna tur, tuihawk luankawr siam an remtih loh avangin kawngah hian tuihawk a tling \hin a, kawng hi \ha zawka siam a nih theih nan leilet neitute nen hian inbiak fel thuai a \ul niin an sawi a ni.
