MNF MLA Pu Lalruatkima’n Congress party in kum 10 chhungin Sport Policy a duang thei lo nia sawiin, \halaite ngaihthahah a puh.

0
253
views

 

Tuikual North-a Futsal khelhmual siam dan tur a ennaah he thu hi a sawi a, Pu Lalruatkima chuan, Tuikual North in field atana an hman mek chu field puitlinga siam theih a nih hmaa Futsal khelh theih nana siam phawt chu \halai infiammite tuihalna engemaw chen chhawk zangkhaitu a nih a beisei thu sawiin kumin Assembly inthlana thuneihna an chan chuan, Sport Policy mumal tak an siam dawn niin a sawi. Pu Lalruatkima chuan, Rajiv Gandhi Stadium chu a neitu leh enkawltu ber pawh tun thlengin a chiang lo niin a sawi a, tunah hian Electric bill rei tak an pek theih loh avangin Disconnect a ni a, hnathawktute pawh Mombati chhiin an awm ringawt mai niin a sawi.

Tuikual North Futsal Ground siam dan tur ennaah hian he Ward Councillor Pu R Thanglura, Tuikual khawtlang hruaitute leh Mizoram Futsal Association hruaitute an tel a, field-ah hian World Standard Futsal ground a siam theih dawn a ni.