A hmanna pui ber Aizawl Vanapa Hall-a inkhawm chu MNF Vice President, Health Minister Dr R Lalthangliana’n a kaihruai a, martarte sun nan ngawi rengin minute khat chhung mipuite an din bakah martarte hraitrengna lungphunah pangpar dah a ni.
MNF President Chief Minister Pu Zoramthanga chuan,
Martarte inpekna leh Pathian leh kan ram tan tih thuthlunga vuan tlattute vangin Mizo meichher a alh zual zel tih a sawi a, Mizo hnam movement-in kawng hrang hrangin chhung lam leh pawn lam atangin a tir atangin beih a tawk nasa hle tih a sawi a, India pawhin a laka helte a beih nasat ber an nih thu te, Indo thlawhna nena beih an nih bakah Armed Forces Special Powers Act nen khaw-khawm hmangtea beih an nih dante sawi chhuakin, Mizo Nationalism hmai kawra hmanga beihna pawh an tawk nasa hle tih a sawi.
