MNF Party Treasurer Pu Vanlalzawma’n Khatla-a Aizawl City Convention Centre sakna tur laih vanga kawng minna hmuna thir lei dawh hna muang lutuk chu pawi a tih thu a sawi

0
198
views

MNF Party Treasurer Pu Vanlalzawma’n Khatla-a Aizawl City Convention Centre sakna tur laih vanga kawng minna hmuna thir lei dawh hna muang lutuk chu pawi a tih thu a sawi.

Mizo National Women Front Headquarters huaihawt Aizawl West-III MNWF Workers Meet Khatla South YMA Hall-a neih hmanpuiin West-III bialtu MLA Pu Vanlalzawma hian helai kawng chhia vang hian Aizawl chhim lam, a bikin West-III mipuiten harsatna nasa tak an tawk tih a sawi a, Lei dawh mek chu a tirah June thla chhunga thawh zawh tura tih ni si, a zatve pawh zawh ala ni chu \ha lo a tih thu a sawi. Pu Vanlalzawma chuan, kumina Assembly inthlanpui neih hunah MNF chu a sorkar ngei dawn nia sawiin, mahni beih leh thawh ngai pawh ni lovin Pathianin a \ha lam zawngin a thawh sak mek zel niin a sawi.

MNWF Headquarters President, Pi K. Lalrengpuii pawhin, ram leh hnam leh sakhua humhalh turin hmeichhiaten mawhphurhna sang tak an nei a ni a ti. He inkhawm hi Aizawl West-III MNF Block President, Pu C. Rochawiliana’n a kaihruai a ni.