Social Welfare Department hnuaia Mizoram State Child Protection Society buatsaihin Counsellor leh Case Worker te tan training

0
277
views

Social Welfare Department hnuaia Mizoram State Child Protection Society buatsaih, naupang te tana thawktu Counsellor leh Case Worker te tana training a buatsaih chu Mizoram State Commission for Protection of Child Rights MSCPCR Chairperson Pi Sangzuali Vanchhawngin vawiin khan a hawng.

MSCPCR Chairperson chuan naupangte humhalhna dan dinglai JJ Act leh POCSO Act \ha taka kengkawh tur te, naupang venhim ngai leh dan bawhchhiate enkawl zui kawngah te, an chhungte thlenga \anpuina leh kaihhruaina pek kawngah te, naupang taksa leh rilru na thawi dam a, ngai an awh leh theihna tura hmalakna ah te Counsellor leh Case Worker te chu thawktu pawimawh tak an ni a ti a, naupangte venhim chu khawvel leh India ramin a ngaih pawimawh a ni a, kawng hrang hranga naupangte dikna len chanvo humhalhna dan dinglaite \ha taka kenkawh a nih theihna turin MSCPCR chuan a vil reng dawn a ni a ti.

Integrated Child Protection Scheme leh Mizoram State Commission for Protection of Child Rights hnuaia Counsellor leh Case Worker te puala training hi thla thar July ni 5 thleng awh tur a ni a, naupang humhalh leh venhimna kawnga thawktu mithiam thlan chhuahten zirtirna an pe a ni.