MNF President, Pu Zoramthanga chuan kumin kum tawp lama Mizoram Assembly inthlanna neih hunah Aizawl East I bialah din a tum tih a sawi.

0
671
views

He thu hi MNF Zemabawk Group-in vawiina Zemabawk YMA Hall-a Free Medical Clinic a buatsaih hawnna inkhawma a sawi a ni a, Pu Zoramthanga chuan Aizawl East-1 Bial mipuite chu hriselna leh hmasawnna kawngah Aizawl khawpui chhung bial dangte nena khaikhinin hmasawnna tur tam tak an la nei niin a sawi a, hemi avang hian kumin Assembly inthlanna neih turah pawh he bialah hian din a duh niin a sawi a ni. MNF President chuan Aizawl East-1 mipuite chu an bial hmasawnna tura thawhpuiah a sawm nghal a ni.

He Free Medical Clinic-ah hian hmeichhe lama Doctor thiam bik, Dr. ZR Thiamsanga, Medicine Specialist, Dr. Margaret Z. Khuma, Dr. Lalawmpuii leh Ha Doctor ten damlote hriselna dinhmun an endik sak a, lung enna khawl leh chuap enna khawl hmanga endik an nih bakah an thisen te an endik sak a, a thlawnin damdawi an pe bawk a ni. Free Medical Clinic-ah hian mi 700 chuang an inentir a ni.