Central YMA hnuaia thuneitu sang, Central Executive Committee-in Chakma Autonomous Dustrict Council thiah a nih theih nana a bawhzui dan tur zirchiang tura ruat Sub-Committee report an thlir ho

0
236
views

Central YMA hnuaia thuneitu sang, Central Executive Committee chu nimina \hukhawm chuan Chakma Autonomous Dustrict Council \hiah a nih theih nana a bawhzui dan tur zirchiang tura ruat Sub-Committee report an thlir hova, hemi atana hmalak dan tur chu chik lehzuala enfiah zel ni se an ti. CEC hi nimin chawhnu dar 1 khan Aizawl Tuikhuahtlanga Central YMA Committee Room-ah Central YMA President Pu Vanlalruata kaihhruaiin an \hukhawm a, nikuma Champhai Zotlanga YMA General Conference-in a lo rel tawh, dan lova din Chakma Autonomous District Council chu dan hmanga \hiah a nih theih nan Central YMA-in hma la rawh se tih pass tak bawhzui dan tur an thlir hova, he rawtna bawhzui tur hian Central YMA President kaihhruaina hnuaiah Sub-Committee din a ni tawha, he Committee hian Chakma Autonomous District Council din a nih dan leh \hiah a nih theih dan tur thil pawimawh hrang hrang an zirchiang mek a ni.

CEC \hukhawm chuan Mizoram sorkarin The Mizoram Drugs Treatment-cum-Rehabilitation Centre Accredition Rules, 2018 a duan chungchang pawh an sawi hova, he dan hi sorkarin a din committee-in a pawm tawh ni mah se, a nghawng turte ngaihtuah tel \ul nia an hriat thu sawiin, hemi chungchang hi a changtu Minister sawipui ni se an ti a. Mizorama sik leh sa danglam chho zel chungchang leh a kaihhnawih thil pawimawhte Environment, Forest & Climate Change Deptt. nen \angkawpa sawihona leh khaw lum zel tur ven dan tur chungchang mipuite zirtirna, Awareness Programme on Climate Change buatsaih ni se an ti bawk a ni. Nimina CEC \hukhawm hian Central YMA hnuaia hnathawktute hlawh leh service chungchang zirchiang tura Central YMA General Secretary, Pu Lalhmachhuana kaihhruaia Sub-Committee din Report an thlirho bawk a ni.