MNF President, Pu Zoramthanga’n Chakma Autonomous District Council-a sorkar thar siam dan tur chungchanga Congress thil tihdan chu corruption nasa tak niin sawi

0
444
views

MNF President, Pu Zoramthanga chuan vawiina Mizo Hnam R<na an party chhung inkhawma thusawiin, Chakma Autonomous District Council-a sorkar thar siam dan tur chungchangah Congress thil tihdan chu corruption nasa tak nia sawiin, “an corrupt lutuk avangin an kulhpui, Chakma mipuite pawhin an hnawl hnuah an mangang lutuk chuan engpawh an huam ta” niin a sawi a, an dinhmun hi mipuiten an hriatthiampui a \ul ta hial niin a sawi a ni. Pu Zoramthanga chuan Chakma Autonomous District Council-ah MNF leh BJP ten sorkar in\awm an siam tum tih chu amah leh BJP President, Prof. JV Hluna ten an puang ve ve niin a sawi a, he thu hi Congress-in a hriat chuan an mangang em em a, Chawngtea Congress party hruaitute awm chuan kaldan phung pangngai ang ni lovin a tlem zawk BJP chu sorkar siam tira, a tam zawk anmahni chu a puitua awm an thlang ta niin a sawi a ni. Pu Zoramthanga chuan Congress chu Central-ah nasa taka a tlak chhiat avangin sorkar pawmpui opposition group pawh an tling pha tawh lova, India rama State 29-ah inthlan apiangin Punjab tih lohah chuan an tla fai ta vek niin a sawi a bawk. MNF President chuan BJP leh Congress Party chu indo nasa ber an nih laiin CADC-ah chuan Congress te hi BJP lakah tlawmin an hnenah an intulut ta niin a sawi a, an thil tih dan hi BJP hruaituten an ngaidam thei dawn em tih drama chu Zoram mipuiten an thlir mek niin a sawi a ni. He inkhawm hi an Party General Secretary, Pu R Lalhnuna’n a kaihruai a ni.