Chakma Autonomous District Council-ah member 5 nei BJP leh member 6 nei Congress ten United Legislature Party dinin sorkar intawm an siam thei tih Larsap, Lt. Gen. Nirbhay Sharma a hriattir

0
428
views

Chakma Autonomous District Council-ah member 5 nei BJP leh member 6 nei Congress ten United Legislature Party dinin sorkar in\awm an siam thei tih Larsap, Lt. Gen. Nirbhay Sharma a hriattir. Larsap hnena an lehkha thehluh hi bawhzui mek a ni tih Raj Bhavan a\anga dawn a ni. Hemi hmalama an ruahmanna lo siam tawh chu tidanglamin member 5 nei BJP leh member 6 nei Congress te chuan a duh apiang zawm theih tur United Legislature Party an din a, hei hi MNF MDC zinga a duh apiangin an zawm thei dawn niin BJP Party hruaitute chuan Zonet an hrilh a ni. Puan tawh angin member 20 awmna, Chakma Autonomous District Council-ah hian Fultuli bial result High Court-in a hrensak avangin tun dinhmunah result 19 puan a ni a, hetah hian member 11 nei BJP leh Congress te chuan sorkar in\awm siam turin hma an la a, an Joint Legislature Party hruaitu atan Chhotapansury bial a\anga BJP ticket-a thlantlin, Pu Santi Jiban Chakma thlan a ni a, Pu Santi Jiban Chakma hi Congress leh BJP Legislature Party chuan CADC Chief Executive Member atan an pawm a, Vaseitlang bial a\anga Congress ticket-a thlantlin, Pu Buddha Lila Chakma chu Deputy Leader atan ruat a ni bawk a, Mandirasora bial a\anga Congress ticket-a thlantlin, Pu Onish Moy Chakma chu an Legislature Party Secretary atan thlan a ni bawk.