MNF President Pu Zoramthanga’n Congress in Candidate an puan rualin an chhungkaw buaiin a zual phah sauh dawn niin a sawi.

0
331
views

 

Vawiina Chalfilh bial Suangpuilawn-a MNF Campaign hawnna inkhawmah thu sawiin MNF President chuan Congress chuan candidate an set fuh hlei thei lo niin a sawi a, an khawsak dan chu a tlaran zawng hlir nia sawiin hetihlai hian MNF erawh chuan harsatna engmah an nei ve lo niin a sawi.

Pu Zoramthanga chuan Mizorama congress sorkar hnuaiah hmasawnna a \huanawm nia sawiin Aizawl khawpui a\anga Assam Rifles sawn chhuak tura an hmalakna pawh congress sorkarin a bawhzui lo niin a sawi a, Chalfilh biala an party ticket a ding tur Pu Lalrinliana Sailo chuan bial tan hmasawnna a thlen dawn niin a sawi.

Chalfilh biala MNF Ticket a ding tur, MLA anihna leh congress party member a nihna a\anga banna thehluttu Pu Lalrinliana Sailo chuan Mizoram chu nau chhiatna ramah a chang mek nia sawiin dinhmun \ha zawka hlankai a \ul hle niin a sawi. Congress chu inthlanna tlin lehna tur chauh thlira sum hmang pawp pawpah puhin mipuite hmasawn tak takna tur lam an ngaihtuah lo niin a sawi.

MNF GS Pu Lalruatkima MLA pawhin thusawiin
Congress in Candidate an puanah lungawilo an tam niin a sawi a, lungawilo thinur an tam avangin bial 4 phei chu an la tifel thei lo niin a sawi a, Congress Candidate tur zawng zawng intiamkamna Bond sign tir vek an ni chuan an party inpumkhat lohzia leh inrintawnna a awm
loh zia a ti lang niin a sawi bawk.