MNF President Pu Zoramthanga’n nimina Citizenship Amendment Bill sawiho naa an party an tel ve loh chungchangah ngaihdam a dil

0
456
views

MNF President Pu Zoramthanga’n nimina Citizenship Amendment Bill sawiho naa an party an tel ve loh chungchangah ngaihdam a dil.

Hnam Run chhung inkhawm ah thu sawiin Pu Zoramthanga chuan, Citizenship Amendment Bill sawihonaa an tel theih loh chhan chu rokhawlna lian tak an neih vang niin a sawi a, an tel loh avangin Bill hi an thlawp tihna a ni lo niin a sawi a, an party chuan a do zel dawn niin a sawi.

Law & Judicial Minister Lalsawta hoin nimin khan a pisaah sorkar official, NGO Coordination Committee, Political Party te leh Mizoram Kohhran hruaitute Committee aiawh ten Citizenship (Amendment) Bill, 2016 chungchang hi an sawiho a, He bill chungchangah hian sorkarin a ngaihdan chiang takin tilang rawh se tiin thu an dah a ni. Joint NGO aiawhte chuan Citizenship (Amendment) Bill chu an duh loh thu an lo tlangaupui \hin tawh bakah, Bill an duh loh thu Prime Minister, Union Home Minister leh sorkar laipuiin Bill zir chiangtu atana a ruat Joint Parliamentary Committee for Citizenship (Amendment) Bill Chairman hnenah an thlen tawh thu an sawi a. MKHC aiawhte chuan MKHC ang chuan Citizenship (Amendment) Bill an la sawiho loh thu an sawi a, mimal ang chuan an duh loh thu an sawi lang thung. ZPM leh PRISM aiawhte chuan he bill hi an duh loh thu an sawi ve ve a, MPCC aiawhte chuan he bill chungchang hi an party-in an la sawiho loh thu an sawi rualin, mimal ngaihdanah chuan an duh loh thu an sawi lang bawk.