ZPM Secretary General Pu K. Sapdanga’n BJP laka fimkhur turin mipui a chah

0
192
views

ZPM Secretary General Pu K. Sapdanga’n hnam himna tel lo hmasawnna chu hnam boral na mai a ni tih sawiin, BJP laka fimkhur turin mipui a chah.

Vawiina ZPM chhung inkhawm |angrual Pawl Pisa-a neihah thu sawiin, Pu K. Sapdanga chuan, kum 1948 January ni 30, khan Mahatma Gandhi chu Birla House compound-ah Nathuram Godse chuan a kaphlum a, a thah chhan chu Pu Gandhi-a ngaihdan, India ram hi sakhaw hrang hrang leh hnam hrang hrang pangpar huan anga par vulna ram a ni, tih chu a pawm theih loh vang a ni a, kum 1925-a din RSS te’n hei hi tharum hmanga India ram lak an tum dan a ni’ a ti a, tharum hmanga kum tam tak chhung an beihna a hlawhchham tak avangin tih dan an thlak ta a ni a ti. Pu K.Sapdanga chuan, tunah hian India rama rorelna sang ber Parliament-ah M.P. ngah ber niturin BJP hian hma an la a. MP 274 neiin anmahni thlawptu MP 8 an awm bawk a. India danpui siam tha turin hmun thuma \hena hmun hnih MP an neih a ngaih avangin tunah hian tlin tumin an bei mek a ni a ti a. MP pakhat chauh awmna Mizoramah pawh an hotute chu Chawngte thlengin an kal peih a, hmasawnna tam tak tiam mahse, Lotus pangpar lo chu India ramah a \iak tur a ni lo tih chu an tum ber a ni a ti.

Pu K. Sapdanga chuan kumin inthlan hmachhawn mekah thatchhiat inzirtirna leh taimak inzirtir duh pawl te an inbuk dawn niin a sawi a. I ram, i hnam, I sakhua humhim phawt la, hmasawnna chu i thawk dawn nia’ tih chu ZPM in nghahna a ni a ti.