MNF President, Pu Zoramthanga’n tuna Lumpsum Higher Secondary School 9 te thil phut chu tihpuitlin harsa a ni lo niin a sawi.

0
286
views

He thu hi vawiina Hnam Run inkhawmah sawiin Pu Zoramthanga chuan kumina Mizoram Assembly inthlanna neih huna thuneihna an chan chuan Lumpsum Grant-in-Aid Higher Secondary School thilphut hi tihhlawhtlinsak an tum dawn niin a sawi a, an sorkar lai khan school 300 chuang dinhmun sang zawkah an hlangkai thei tih sawiin, school pakua te dinhmun sang zawka dah chu thil harsa lo niin a sawi a, Congress sorkar hian a ngaihpawimawh tawk loh vangah a puh a ni. Pu Zoramthanga chuan an sorkar lai, kum 10 chhung khan plan fund chu chawhrualin kum khatah cheng Vbc. 525 vel niin a sawi a, Congress sorkarah erawh chuan hei hi cheng Vbc. 9,762 a tling chho tih sawiin, Congress sorkar thil tihdan chu sorkar hnathawk leh mipuiten an kham tawh niin a sawi bawk. Pu Zoramthanga chuan Congress sorkar chu sorkar laipui a\anga sum haichhuah tur tam tak awm, hai chhuah nachang hre lovah a puh a, NLUP atana sum tam tak hman a nih avangin hmasawnna hnathawh dang a awm tlem hle niin a sawi bawk. Inkhawm hi an pawl General Secretary, Pu K. Vanlalvena’n a kaihruai a ni.