Mizoram Liqour Prohibition & Control Act Study Group chuan vawiin khan Assembly Annexe Conference Hall-ah MLPC Act an zir chianna report an thlirho.

0
448
views

Study Group Convener, Pu Dominic Lalhmangaiha chuan, an zir chianna chu kum hnih chhung data a nih thu sawiin, MLPC Act nghawng an zir chianna chu a dik ber a ni kher lo thei niin a sawi a, MLTP Act hman hun lai khan data mumal hmuh tur a awm loh thu a sawi bawk. Study Group-a Principal Investigator Dr. Laldinliana Varte chuan an zir chiannaah hian a tak taka sum hmanna ni lote pawh a hlutna chhut chhuah a ni tih a sawi a, a taka sum hmuh leh hmanna a\ang leh a hlutna chhut chhuah a\ang chuan MLPC Act hnuaia zu zawrh leh a kaihhnawih thildang hrang hrangte chhutchhuah a nih thu a sawi bawk. MLPC Act, 2014 zirchiangtu Study Group tarlan danin he dan hman avanga Mizoram sorkarin sum lama hlawkna a hmuh chu cheng Vbc. 105 leh nuai 20 a ni a, sum senso erawh cheng vbc 299, nuai 49, sing 2 sang 5 leh zanga 5, sawmnga-ah chhut a ni a, cheng 1-ah cheng 2.85 zel hloh ang a ni. MLPC Act Study Group hian Aizawl a zu lei phalna card nei mi 51,898 a\angin mi 382 thlang chhuakin, chung mite chu zawhna chi hrang hrang an zawt a ni.

MLPC Act zirchiangtute hian zu in leh ruih vanga chetsualna thleng te, zu rui chunga lirthei khalhte pawisa chawi, zu kaihhnawiha hnathawh loh vanga sum hloh, zu vanga hna chawlhsan, zu in nunphung a tihbuai dan, zu vanga thih hma-na, zu kaihhnawih natna vanga damdawi lama inenkawlna senso, zu vanga police-te sum hman leh an hun hman hlutna, zu vanga Court rorelna atana sum sen, jail tan vanga sum hloh, Excise Deptt. sum senso, Kohhran leh khawtlang senso leh khawtlang a tihbuai dan te an zir tel a ni. MLPC Act Study Group ten MLPC Act an zirchianah hian Kohhran leh tlawmngai pawl hruaitute bakah thuthar thehdarhtute an tel a ni.