MNF President Pu Zoramthanga’n ZPM beiin, Unit innghahna bulfuk pawh nei lo tan MLA pakhat neih pawh thil har tak tur a ni a ti.
Vawiin khan an party Office Hnam runah thu sawiin MNF President chuan ZPM chu party ni lovin Forum an ni a ti a, an party leh Congress chu President nei an nih avangin Chief Ministerial Candidate tih tawngkam chu an tan hman ve a ngai lo niin a sawi a, ZPM tan chuan Chief Ministerial Candidate tih chu sawi rik fo a ngai a, Chief Ministerial Candidate tih \awngkam hman fo erawh hming tawpa BA dah ziah nen thil thuhmun reng a ni a ti. Remna ni chungchang sawiin Pu Zoramthanga chuan, MZP bultuma tunthla ni 30 a Remna ni, a huhova hman tur chu an party in \ha an tih thu a sawi a, Congress sorkar chu Remna Ni theihnghilh-ah puhin an ngaihtuahnaah hnam thil a lian lo hle niin a sawi a, MNF in thuneihna a chan chuan ram in zalenna ni champha Independence Day leh Republic Day a ngai pawimawh angin State Day leh Remna Ni chu an dah pawimawh hle dawn niin a sawi.
