New Secretariat Complex, Khatlaa Mizoram State Pollution Control Board Office Building thar Rs. 2,20,00,000/- senga sak chu Chief Minister, Pu Lal Thanhawla’n vawiin khan a hawng.
Hawnna thu sawiin Chief Minister chuan, State Pollution Control Board chuan hnathawktu ngah lo mah se ram leh mipuite hriselna atan hna pawimawh tak an thawk niin a sawi a, boruak leh leilung tihbawlhhlawh chu khawvela hmasawnna in a ken tel, thil \ha lo lam a ni a, khawpui lian zawkah phei chuan boruak thianghlim lovin mihring hriselna a khawih chhiaa, Mizoramah ngei pawh boruak thlifimtu thing leh mau tih chereu a nih avangin boruak a chhe tawlh tawlh a, sorkar chuan boruak chhia avanga sik leh sa inthlak leh, mihring hriselna chhe zel leh nungchate tana harsatna a thlen dan te hre reng chungin NLUP hmangin a tihnepna turin \an a lo la tawh a ni a ti a, leilung leh boruak tichhe thei plastic hman tlem inzirtir te, thianghlimna leh faina ngaihpawimawh te, inrenchem dan zir te, mahni lakluh mil tawk aia sanga khawsak loh te, environment tichhe thei zawnga thil tih loh te chu mipuite zirtir uar a \ul niin a sawi a ni.
He Office building hawnna inkhawmah hi MPCB Chairman, Pu RC Thanga’n a kaihruai a, Member Secretary, Pu C. Lalduhawma’n an hnathawh dan a sawi a, building satu, NECS Chief Managing Director, Pu Robert Romawia Royte-in building an sak dan a sawi bawk a ni. Mizoram State Pollution Control Board hi kum 1989 khan din a ni.
