Vawiina Congress Bhavan-a inkhawmah Pu Lal Thanhawla chuan, Falkawna State Referral Hospital din tur chu MNF sorkar hmasa khan a tichhe vek a, hei hi Congress sorkar-in thar thawh lehin tun dinhmun an thlen a, damlo tam tak tan malsawmna a nih piah lamah Mizorama Medical College hmasa ber, MIMER hial an din a ni, a ti a. Hei hi MNF kaihhruai sorkar thar chuan, kut pakhat pawh thlak ve si lovin a hming an thlak nghal tih sawiin, an thil tih dan chu an zah loh piah lamah a intham loh thlak hle a ni, a ti a. MIMER hming chu awmze thu tak neia phuah a ni tih sawiin, Mizoram pawh ni lo, Zoramthanga hming pua thlak a ni chu a pawi hle a. Mi\henkhatin sorkar hotute laka tlaktlum an duh vanga hming thlak lo rawt pawh ni se, a tira tichhe vektu an nih avangin thlak duh lotu an ni zawk tur a ni, a ti.
Pu Lal Thanhawla chuan, MIMER hming thar an thlakna chuan a put hlen a rin loh thu leh MNF chu kum 5 pawh an sorkar theih a rin loh thu a sawi a. MNF sorkar hmasa khan tan tir tumin nasa takin an bei a, an ni chuan khatiang tak khan tang turin bei ve lo mah se, Pu Zoramthanga chu a eiruk nia sawi pawh Rs. vbch. 9 chuang a nih avangin a tang mai ang tih a hlahpui zawk tih a sawi. Mizoram hmasawnna ruhrel pawimawh zawng zawng thlawhtheihna \um hmun, Rel, zirna, ramria insumdawn tawnna leh thil tam chu Congress sorkar din vek a ni a ti a, Mizoram tana an hnathawh \hat avang hian an Party mite chu lawm hle tur an ni tih Pu Lal Thanhawla chuan a sawi.
