MNF thalaiin Institutional Finance & State Lottery Directorate-a thawktute pisa kai tur an dang.

0
231
views

Mizoram sorkarin lottery a kalpui danah thil dik lo a awm nia an sawi hnuah sorkarin hma a la lo nia sawiin MNF \halaiin Institutional Finance & State Lottery Directorate-a thawktute pisa kai tur an dang.

Tukin dar 9 a\ang khan MNF \halai in he pisaa thawktute chu Pisa kai thei lovin an dang a. MNF \halai te hi an President Pu Lalrinawma MLA leh hruaitu dang ten an ho a, Lottery Pisa kawtah an pungkhawm a ni. MNF \halai ten Lottery Pisa an dan avang hian thil duhawm lo thleng erawh a awm lova, Police \hehnem tak duty tir an ni. MNF \halai President Pu Lalrinawma chuan, Lottery kalpui danah Mizoram sorkarin sum leh pai nasa takin a chan niin a sawi a, Finance Minister hnenah pawh an thlen tawh thu sawiin, sorkarin sum a hloh zel dawn nia an hriat avangin thawktute pisa kai tur chu an dang ta tih a sawi. Tuna Distributor ni mekte hun pawtsei tawh lova, a ngam huai apiang ten an chhan theihna tura mumal leh felfai zawka tender chhuah chu an phut tih Pu Lalrinawma chuan a sawi.

MNF \halaite thil tih chungchangah hian vawiin chawhnu khan MNF party office Hnam Run ah Party Action Committee Chairman, Sr Vice President nibawk Pu Tawnluia’n press mite a kawm a, kum 2008 Congress sorkar lo pian atang khan sorkar chuan, an duhsak zawng te nen sam inpiarzawmin Lottery hi an kalpui niin a sawi a, a hlawkna tel ber tu chu CM Pu Lal Thanhawla nia sawiin Mizoram sum bawma pawisa chhunluh erawh a tlem tial tial niin a sawi. Kum 2011 Dec thlaa Lottery Tender Mizoram sorkar in a chhuah chu vai sumdawng intiamrual 4 ten a chhan theina hniam berin, inzat vekin an chhang niin Pu Tawnluia chuan a sawi a, hetiang hi thil awm ngai lo, intiamrual thil tih a ni a ti a, Lottery Committe in tender ko \ha leh tura rawtna a siam chungin CM Pu Lal Thanhawla chuan kum 2012 May thla atanga 2014 May thla thlenga kalpui turin Tender chhangtute hi a thlang ta niin a sawi.

CAG in a endikna ah kum 2012-2013 atanga kum 2014-2015 chhungin cheng vaibelchhe 11,808 leh nuai 77 Mizoram sumbawma lut tur chu hnamdang sumdawngin an chang fai vek tih an hmuchhuak niin Pu Tawnluia chuan a sawi a. CAG in a chhui hman loh kum 2015-2016 atanga 2017-2018 thlenga Mizoram sorkarin sum a hloh chu a tam hle dawn tih a hriat theih a ni a ti a. Sorkara an thil phut a hlawhtlin hma chuan, Lottery Draw tir an remti tawh dawn lo niin a sawi.

Chanchinbumite zawhna chhangin MNF MLA Dr K Beichhua chuan, CAG in insawifiahna hun a pekah sorkar chu a insawifiah thei lo niin a sawi.