MNF Vice President Dr R Lalthangliana’n Congress sorkar chu zirna kalpui ngaihna hre loah a puh.

0
266
views

 

He thu hi vawiina Pangzawl Venglai Branch YMA Hall-a an party Workers Meet neih a hmanpuinaah a sawi. Dr R Lalthangliana chuan, an party in thuneihna an chan laia Education Act an duan chu Congress Sorkar in a hmang duh lo niin a sawi a, CSS Hindi zirtirtu mi 1187 an lak pawh an ban vek nia sawiin, anmahni aia mi 1305 an lakte chu kum 1 chuang ruai chhunzawm thei lovin an ban vek bawk niin a sawi a, hei bakah SSA leh RMSA a thawk tuten thla 4 chhung hlawh an lak theih tawh lo thu sawiin hemi avang hian zirna in leh an chhung ten harsatna nasa tak an tawk mek niin a sawi. Dr R Lalthangliana chuan, thuneihna an chan laiin SSA leh sorkar hnathawk dangten hlawh lak theih loh an neih lo niin a sawi a, SSA bik phei chuan advance ten an la hial \hin niin a sawi a, Congress sorkar chu zirna kalpui ngaihna hre loah a puh a ni. Dr R Lalthangliana chuan kumin Assembly inthlana thuneihna an chan chuan, zirna lama Mizoramin harsatna a tawh mek chu siam \hat vek a ni dawn niin a sawi a, Zirtirtu leh zirlaite thil phut hrang hrangte chu chinfel dan an ngaihtuah dawn nia sawiin school kai hunbi pawh ennawn a nih tur thu a sawi. Dr R Lalthangliana hian an aprty zawm thar mi engemawzat a lawm lut nghal a, an party Gen Hqrs hruaituten an \awiawm a ni.