MNF Vice President, Dr. R. Lalthangliana’n MNF leh BJP an thawkho anga sawina tunhnaia awm chu thu dik lo niin a sawi.

0
264
views

 

He thu hi vawiina Serchhip East Block MNF Campaign Office-a hawnnaah sawiin Dr. R. Lalthangliana chuan, BJP thawhpui hmasa ber chu ZPM Chief Minister Candidate Pu Lalduhoma niin a sawi a, kum 2015 Bye-Election leh AMC inthlanah an thawkho nia sawiin, he thilah hian Congress Party pawh a bang lova, CADC-ah BJP sorkar a siampui a, ram chhunga la awm ngai lo record siamin BJP leh Congress chu an thawk dun nia sawiin Dr. R. Lalthangliana chuan BJP nen an thawhho loh zia BJP National President, Amit Shah pawhin Mizoram a rawn tlawh khan a sawi niin a sawi a, MNF leh BJP thawkho anga thudik lo vawrh darh mek chu MNF boruak lian zel huphurhtute thusawi niin a sawi bawk.

Dr. R. Lalthangliana chuan Congress hun tawp lama Disitrict thar 5 an puan chu MNF a sorkar khan sum harsa tak chungin a tipuitling vek niin a sawi a, MNF-in District thar a puan pathumte erawh chu Congress-in tun thlengin a la tipuitling ve duh lo tih sawiin, Assembly inthlana thuneihna an chan chuan an tipuitling leh vek dawn niin a sawi bawk. Dr. R. Lalthangliana chuan kumin Assembly inthlanah an party chu a mal din dawn nia sawiin Serchhip biala an party Candidate, Pu Lalramzauva chu vote turin mipuite a sawm bawk.

Inkhawm hi Serchhip East Block Vice President, Pu C. Vanlalsiamthara’n a kaihruai a ni.