ZPM Star Campaigner, Pu PL Liandinga’n Aizawl East I biala MNF hotupa, Pu Zoramthanga din tir a ni chu Politics a\anga phum bo tumna nia a ngaih thu a sawi.

0
242
views

He thu hi vawiina Aizawl East I huam chhung Tuirial Bazar-a vantlang inkhawmah a sawi a, Tuirial leh Aii P<k-in a karcheh Aizawl East-I bial kher khera MNF-in an hotupa ding tura an thlem thlu hi hotute phum bo tuma intihderna a nih ngawt loh chuan a chhan dang puh tur a vang hle niin a sawi.

PL Liandinga chuan, Mizoram hian hruaitu lu ber atan eiruk thubuai awrh mekte thlang tawh lovin, eiruk do ngar ngar \hin Kohhran Upa ngei thlang tawh zawk se, sumfai hmanga vote lei tumtute thlang lovin, thlai thar man m^n taka leina tur budget-a dah tumtute thlan nachang hria ila chu chu ram dinchhuahna tura bul\anna leh hmasawnna kumhlun thlentu a ni tih mipuiten an hriat a hun tawh a ni a ti.

Aizawl East I-a ZPM candidate, Pu K. Sapdanga pawhin thusawiin, East I chu kum 40 chuang ruling party bial lo ni tawh, kuthnathawk nasa ber bial ni si, ngaihthah ber bial a ni reng chu a vanduaithlak hle a ni a ti a. ZPM sorkar-ah chuan kuthnathawktuten ngaihsak an hlawh tawh dawn tih sawiin, rim taka an hnathawh chuan awmze thuk zawk a neih theih nan ZPM thlawp turin mipuite a ngen a ni.