MNF Vice President, Dr. R. Lalthangliana’n NLUP Court a khin chungchangah MPCC President Pu Lal Thanhawla’n MNF ho thil tih nia a puh chu thudik lo niin a sawi.

0
511
views

He thu hi vawiina South Vanlaiphaia RD. Rest House-a an party vantlang inkhawm buatsaihah a sawi a Dr R Lalthangliana chuan, NLUP High Court a khingtu chu Social Activist Pi Vanramchhuangi a ni tih a sawi a, he thilah hian MNF-in inrawlhna a neih loh thu sawiin Congress chu thudik lo hmanga mipui rilru hruaipen tumah puhin hun lo kal zel turah pawh thudik lo sawi an hreh dawn lo nia sawiin, an party mipuite chu lo inveng turin a chah a ni. Dr. R. Lalthangliana chuan, NLUP chu Congress-in an party mite duhsakna atan a hmang niin a sawi a, a dawngtu tur thlang tura ruat zingah pawh MLA ni lo, an party Worker 6-te chu dan kalha telh an nih thu a sawi a ni. Dr. R. Lalthangliana chuan kumina Assembly inthlanna neih turah thuneihna an chan chuan Decentralisation of power & function an kalpui dawn niin a sawi a, The Mizoram Local Self Government Act, 2019 chu Assembly hmasa bera pass theih turin hma lak a ni dawn tih sawiin, Local Government Committee-ten an khawtlang mamawhte chu District Level-ah an thlen anga, chu chu State Level-a thlen a nih hnuah tualchhung sorkarin an thawk dawn niin a sawi a ni. MNF Vice President chuan corruption leh sum pel he tam tak Congress sorkarah a awm \hin nia sawiin, hei hi MNF sorkar hunah tihbo a ni ang a, Minister leh MLA-te thuneihna pawh a tlem phah dawn niin a sawi bawk. Dr. R. Lalthangliana hian an party zawm thar mi engemawzat a lawm lut a ni.