A hmanpuitu ZPM Steering Committee Vice Chairman, Rev. Dr. K. Thanzauva chuan kum 40 dawn Mizoram kaihhruai a, eichhetu leh rualawt tawk leka mipuite siamtu Politician-te hun chu a tawp ta nia sawiin, Mizoram hi khawizu leh hnute tuia luanna ram ni thei tur khawpa dinthar leh a nih theih nan mipuiten Politician ni lote kutah ram rorelna an dah a hun ta tih a sawi. Rev. Dr. K. Thanzaua chuan, Mizoram, hnam leh sakhua dinhmun tiderthawng a, Mizo mipuite thinlung a dik lo lama hruaitu leh thawk loa hausak tumna rilru piangsual neih tirtu chu sem policy a ni tih sawiin, hetiang Policy neitute chu hnawl ngam a ngai niin a sawi.
ZPM Southern Hqrs. Chairman, Pu Lalrinzuala pawhin |angrual Pawlin Pathian leh mipui zara thuneihna an chang a nih chuan Lunglei chu tun hmaa a nihna pangngai chhim khawpui nih tir leh tumin hma an la dawn tih a sawi a. Chhim lama District 3 – Lunglei, Lawngtlai leh Siaha District enkawl turin Lungleiah Commissioner an dah dawn a, damdawi in pawh dinthar leh a ni ang a, zirna pawh siam\hat a ni dawn niin a sawi a ni. ZMP Steering Committee Vice Chairman chuan mipui tam zawk duhdan a nih chuan Sikul \an hun pawh tunhmaa kal dan \hin pangngai ang khan siam leh a ni dawn niin a sawi bawk.
