MNF Vice President, Dr. R. Lalthangliana’n SEDP chu hnathawh tur siamna leh Mizo mipuite khaichhuahna economic programme mumal tak duanfel sa thlap niin a sawi.

0
326
views

He thu hi vawiina Tuirial West Block MNF Conference Kawnpuia neihah sawiin Dr. R. Lalthangliana chuan kumin Assembly inthlannaa thuneihna an chan chuan mithiamte remhriatna hmanga SEDP duan angin kuthnathawktute dinchhuahna tur siamsak a ni dawn niin a sawi a, \halai lehkhathiam an kalna tur lam zirna zo tawhte tan bik Entrepreneurship Development Programme siam a ni ang a, heta \ang hian an dinchhuahpui tham sum ruahmansak a ni dawn niin a sawi. Dr. R. Lalthangliana chuan Congress sorkarin NLUP a sem avanga sorkar departmentten sum lama harsatna an tawh ang chu SEDP hman hunah a awm ve dawn lo niin a sawi a, an sum hman tur chu Mizoram Budget pawn a\anga hmuh tur a ni tih sawiin sum hailuhna tur duansa thlap an nei niin a sawi bawk.

Inkhawm hi Tuirial West Block President, Pu Hmingthanfela’n a kaihruai a, he biala MNF Ticket-a ding tur Pu Sailothanga Sailo pawhin thu sawiin thlantlin a nih chuan ram leh mipuite rawngbawl turin theihtawp a chhuah dawn tih a sawi a ni.