MNYF Gen. Hqrs. in Ramrikawn, Sakawrtuichhun leh Lungverh inkar kawngpui enfiah

0
489
views

MNYF Gen. Hqrs. in Ramrikawn, Sakawrtuichhun leh Lungverh inkar kawngpui siam mek chu a hmunah kalin vawiin khan an enfiah. MNYF Vice President Pu Lalremruata Chhangte chuan, Ramrikawn, Sakawrtuichhun leh Lungverh inkar kawng KM 7.75 a thui chu nikum chhunga zawh tura tih a nih thu leh a siam nan sorkarin cheng nuai 931 chuang a sanction thu a sawi a, heti chunga tun thlenga zawh a la ni lo leh furpui thlen hmaa siam zawh chin te pawh a chhe leh hle tawh chu hriathiam har an tih thu a sawi. Pu Lalremruata Chhangte chuan, kawng siam \hat loh chungchang chu PWD Minister Pu Lal Thanzara leh a kawng enkawltu engineer te mawh liau liau a nih thu sawiin an dem thu a sawi a, PWD minister chuan kumin inthlana sum hman tur tuak nan a hmang em ni tih chu an zawhna a nih thu sawiin hnathawktu tur Contractor thlan danah pawh thil fel lo leh sam inphiarzawmna a awm ngei nia an ngaih thu a sawi. Pu Lalremruata Chhangte chuan, kawng \ha an duh avanga sakawrtuichhun Co Ordination committee te hmalakna chu an thlawp thu sawiin kawng \ha a awm theih nan na zawka chetlak pawh an hnial dawn lo niin a sawi bawk.

Puan tawh angin he kawng siam chungchangah hian Sakawrtuichhun Co-Ordination Committee chuan, Kawng siam tura thlan contractor in hna a \an har avanga PWD hotute an lo dawr tawh thu te, a tira kawng siam dan tura an sawi chu sum indaih loh chhuan lama tihdanglam a nih thu te an lo sawi tawh a, tun thla ni 16 khan kawng siam zawh tawh chhe leh te chu siam \ha leh turin PWD an lo ngen tawh bawk.