Mizoram State Commission for Protection of Child Rights (MSCPCR) chuan Central Jail-a nu in an fa te an tanpui te dinhmun vawiin khan an endik

0
257
views

Mizoram State Commission for Protection of Child Rights (MSCPCR) chuan Central Jail-a nu in an fa te an tanpui te dinhmun vawiin khan an endik a, Jail chhunga naupangte enkawlna pek dan \ha thawkhat mahse, hmasawnna tur leh tih ngai erawh \hahnem tak a la awm tih an hmu chhuak.

Central Jail ah hian tun dinhmunah nu in an fa an tan pui naupang 4 an awm mek a, Supreme Court chuan Civil Writ Petition pakhat a ngaihtuahnaah Jail-a naupang awm mek ten nunphung, hriselna leh zirna lama naupang dangte ang bawka hma an sawn theihna tura hmala turin State sorkar tin a hriattir a, Jail-a tang naupai mek te a bika enkawlna pe tur te, nau neih dawnah jail a\anga an chhuah lailawk theih dan tur ruahman tur te, naupang tan an mamawh chaw \ha a hranga pe tur te, nausen chaw siamna tur bungbel mamawh chhawpchhuah sak tur te, naupang hri danna \ha taka pe tur te, nau awmna creche leh lehkha an zirna tur nursery ruahman tur te leh naupawm tana pindan hran siamsak tur te in Supreme Court chuan thupek a siam a, naupang kum 6 tling tawh chin Jail-a awm tir pawh a khap a ni.

Hetiang tehna hrang hrangah hian Central Jail dinhmun chu a \ha thawkhat niin MSCPCR Chairperson Pi Sangzuali Vanchhawng chuan a sawi a, hetihlai hian naupang te tan a bika eitur chaw \ha pek a la ni lo leh nausenin an nu te ei ang apiang an \awm ve mai chu duhthusam tawk lo, a rang thei anga hmalak thuai \ulna a nih thu a sawi a. Naupang leh annu te tana room hran awm lo leh tang dangte nena a huhova dahkhawm vek an ni chu naupang rilru \hanlenna kawnga thil \ha lo thlen thei a nih thu sawiin, a hranga an awm theih dan tur ngaihtuah thuai a \ul a ni a ti. Hetihlai hian faina leh thianghlimna kawnga Central Jail enkawltute hmalakna chu fakawm hle a ni a ti. Vawiina Central Jail endiktu MSCPCR Chairperson hi member dang Dr. Julie Remsangpuii Fambawl, Pu J Malsawmzuala Vanchhawng leh Pi K Malsawmzuali te bakah Case Worker Varthanpuii Varte leh Outreach Social Worker C Lalduhawma ten an \awiawm a ni.