MNYF General Headquarters-in Mizo Carbon Product hmun tlawh

0
560
views

MNYF General Headquarters-in Luangmual Industrial Growth Center-a Mizo Carbon Product hmun chu vawiin khan an tlawh a, he industry-in Document lem an siam nia sawi copy an hal. MNYF Vice President, Pu Ramdinliana chuan, Mizo Carbon Product hian lehkha lem hmangin sum tam tak an siam nia sawiin, hetih hun laia Taxation Minister, Pu Zodintluanga chu a inrawlh ngei an rin thu a sawi a, Mizo Carbon Product neitu zinga mi, Dr Margaret M Varte chu a nupui laizawn a nih avangin, thu phuahchawp hmanga sum siam nan an hmang nia an ngaih thu a sawi. Pu Ramdinliana chuan, Mizo Carbon Product-a dah tur, lungalhthei Truck phur sanghnih chuangin Taxation check gate pal tlang lo chunga paltlang anga a inziah chungchangah pawh hetih laia Taxation Minister, Pu Zodintluanga thu hmu lo chuan an tih ngam an rin loh thu a sawi a, CBI chhuitir remtih tawh, a ruka sut leh a nih chhan pawh CBI hian an hling tel ngei dawn nia an hriat avang nia an ngaih thu sawiin, Mizo Carbon Product-in dik lo taka sum a lak luh chungchangah Pu Zodintluanga hi a inhnamhnawih ngei nia an ngaih thu leh, Minister zui tlaka an ngaih loh thu leh bang tura an phut thu a sawi bawk.