MPC party Executive Committee thu khawm

0
331
views

MPC party Executive Committee chu vawiin khan an President, Pu Lalhmangaiha Sailo hovin an party pisa-ah an \hukhawm a. Pu Lalhmangaiha Sailo chuan, Sorkar laipuia Citizenship Amendment Bill ngaihtuahtu Joint Committee-in hemi chungchang an ngaihtuah laiin Mizoram sorkarin thawm engmah a neih loh avangin Committee hi Mizoram tlawh ve turin a sawm nia sawiin, he Bill hi pass lo tura a duh thu a thlen niin a sawi. Pu Lalhmangaiha sailo chuan \henawm state – Assam leh Arunachal Pradesh-in he Bill hi an duh loh thu leh engti kawng zawng pawha dodal an tum thu, sorkar laipui an hriattir nia sawiin, Congress leh MNF chu Mizo-te humhim zo lo-ah a puh a, Mizoramin paukhauh taka \an khawh thei sorkar a mamawh avangin mipuite pawh harh thar tur leh, sorkar thar piantir ngei tura a duh thu a sawi. MPC party Executive Committee chuan Mizorama kawng chhiat chhan chu MNF leh Congress vang nia an ngaih thu te, Citizenship Amendment Bill chungchanga Joint NGO Co-ordination committee \an lak dan chu \ha an tih thu leh an thlawp thu te an sawi a, Chakma-ten Mizo-te chanpual an chuhpui ngam ta chu an dem thu te, Chakma pun chak dan chu enfiah a, Mizoram khua leh tui dik tak ni lo chu thawn haw an phut thu leh nakkum Assembly inthlanah Chakma MLA nei lo tura \an lak \ha an tih thu an pass a ni.