MPC Party pawhin Covid 19 dona atan Sorkar hnathawkte hlawh lak then sak lo turin Sorkar an phut.

0
44
views

MPC hian, hri leng dona atana sorkar hnathawkten Mizo tlawmngaihna rilru pua an thla hlawh atanga zaa 10 leh zaa 5 pek an inhuam chu ropui an tih thu an sawi a. Hetih rual hian Mizoram sorkar pawh Mizo tlawmngaihna vek rilru pua sorkar hnathawkte thla tin hlawh chu tihdanglam sak lova, tlawmngaih chhuaha do let zawk turin Mizoram sorkar an phut a. Mizoram sorkar-in a hnuaia thawkte hlawh thla riat chhung teh meuh Covid 19 do nana lak then sak rem a ti mai chuan chhungkua, khawtlang leh kohhran thlengin nghawng tha lo tak a nei thei a ni an ti. MPC hian, Sorkar hnathawk zingah an hlawh ngawr ngawr ringa khawsa an awm tih an sawi a, ni tin ei leh bar inrelbawl nana sum leh pai mamawhna a san em em laia thla riat chhung teh meuh an hlawh lak then sak an nih chuan harsatna nasa takin a tlakbuak thei a ni an ti a, hri leng do nana sum induh thawhna nasa tak tiziaawm turin sorkar hnathawkte ni lovin, Mizorama sumdawng Bank lian tak tak awm te, hnamdang contractor leh supplier lian tak takte atangin Sorkar chu hma la zawk tura an duh thu MPC Party hian an sawi.