Thorang bial fanga a zin kualna khaw hrang hrangah thusawiin Pu Zodintluanga chuan an party Vice President Pu R. Lalzirliana’n boruak danglam a neih avangin inthlanna atana campaign \an hunah an party chuan an \an thei lo tih sawiin, an thawm a reh lai takin MNF Party chuan ki sang takin campaign an \an a, hemi hnua Congress party-in an manifesto tlangzarha campaign an \an hnuah Mizoram pumah Congress boruak a sang chho niin a sawi a ni. Pu Zodintluanga chuan kum 1998-a MNF Party Manifesto-a thil 73 tarlan zinga 71 chu hmalakna tur a ni a, chung zinga pahnih chu an tih loh tur tarlanna a ni a, tih tura an tarlan te chu ti lovin tih loh tura an tih te chu an ti ta zawk niin a sawi a ni.
Pu Zodintluanga zin hi karlehah Lungleia letin Thorang biala ding turin Returning Officer hnenah a hming a pe lut dawn a ni.
