He thu hi a bial chhung Thenhlum khua-a vawiina Campaign hawnnaah sawiin, Thorang bialtu MLA leh he bial Congress Candidate ni bawk Pu Zodintluanga chuan, Regional party tlu chhe tawh MNF party chu Mizoramah Mautam avanga din niin Mautam bawk khan a herliam pui tawh a ni a ti a, eirukna avanga mipuiin an hnawl Regional party lo tluchhe tawh Mizo Union leh PC Party te angin a tlu chhe ve tawh niin a sawi. Pu Zodintluanga chuan inthlan lo awm atan MNF chuan hma takah key sang taka an lak thu sawiin, an sorkar dawn emaw an inti a, Congress party te a hun takah an che chhuak a, MNF Party hian chet ngaihna an hre tawh lo a ni a ti bawk. Pu Zodintluanga chuan Thenhlum-ah hian Congress party zawm thar \hahnem tak a lawm lut a, he inkhawm hi Thenhlum VCP, Pu NG. Lalrinawma’n a kaihruai a ni.
