He thu hi vawiina Congress Bhavan-a MPCC Campaign Committee \hutkhawmnaah sawiin, Pu Zodintluanga chuan, MNF chu zawngte khuang nei ang mai an ni a, a hman hmanin an beng a, an duh duh an puang a, a hman hman an che pawp pawp a, hetiang zela an kal a nih chuan tun a\anga rei loteah insawifiah theihrual lohin an buai vat dawn niin a sawi a ni. Pu Zodintluanga chuan, Congress Sokarin dan hnuaia felfai taka tender hmanga Contract a pek hna neitute hnathawh lai ngei pawh MNF Sorkar chuan an chhuhsak duh nia sawiin, an chetdan dik lo leh uchuak tak chu an theihtawpin an dodal ang a, an bei let dawn a ni, a ti a. Citizenship Amendment Bill chungchangah pawh \henawm state ten na taka an dodal laiin MNF Party chu NDA Sorkar-ah tlaktlum loh an hlauh avangin mipui duh ang leh phut angin an che ngam lo niin a sawi bawk. MPCC Campaign Committee chuan kumina Lok Sabha inthlanpui neih turah chak ngei tumin theihtawp an chhuah dawn tih an puang a ni.
